შრომის ინსპექციის მანდატს შრომის უსაფრთხოების საკითხების გარდა დაემატა კერძო კომპანიებში შრომითი ურთიერთობების კანონთან შესაბამისობის ინსპექტირება და სანქცირება. გარდა ამისა, შრომითი დავები რჩება დამსაქმებელთათვის მაღალი რისკის დავად არსებული სასამართლო პრაქტიკის გამო.

ამიტომ, ჩვენი ფირმა კომპანიებს სთავაზობს შრომითი ურთიერთობების კანონთან შესაბამისობაში მოყვანის სრულ და მრავალმხრივ მომსახურებას, ისევე როგორც ცალკეულ შრომით საკითხებში სამართლებრივ მხარდაჭერას. მომსახურება მოიცავს შემდეგ სერვისებს:

1. შრომის აუდიტი, რომელიც წარმოადგენს კომპანიის შრომითი ურთიერთობების მრავალ-ვექტორულ კვლევას, რის საფუძველზეც შევისწავლით კომპანიის შრომით ურთიერთობებში არსებულ რისკებს და საფრთხეებს, გავცემთ რეკომენდაციებს, შრომითი რისკების პრევენციისა და შრომის კანონმდებლობის დარღვევების აღმოფხვრისთვის;
2. შრომის ხელშეკრულებებისა და შინაგანაწესის შრომის კანონმდებლობასთან შესაბამისობაში მოყვანა;
3. თანამშრომლებთან სავალდებულო კონსულტაციისა და ინფორმირების პროცედურის შექმნა და დანერგვა;
4. შევიწროებისა და დისკრიმინაციის წინააღმდეგ სავალდებულო რეგულაციების და პროცედურის დანერგვა;
5. პროფესიულ კავშირებთან ურთიერთობა, კოლექტიური მოლაპარაკებების წარმოება;
6. შიდა შრომითი მედიაცია, შრომითი დავების პრევენცია, ინდუსტრიული ურთიერთობების სამართლებრივი მხარდაჭერა;
7. შრომით დავებში სასამართლო წარმომადგენლობა;
8. შრომის ინსპექციის სანქციების გასაჩივრება;

შრომითი ურთიერთობების მიმართულებას უძღვება ფირმის პარტნიორი შალვა ცხაკაია, რომელსაც აქვს მრავალწლიანი გამოცდილება შრომით ურთიერთობებში, შრომის სამართლის საერთაშორისო სტანდარტების კურსი გავლილი აქვს შრომის საერთაშორისო ორგანიზაციის სასწავლო ცენტრში, ტურინსა და ჟენევაში, არის საქართველოს სოციალური პარტნიორობის სამმხრივი კომისიის წევრი და საქართველოს დამსაქმებელთა ასოციაციის გამგეობის არჩეული წევრი.

იურიდიული ფირმა „GLCC“-ის გამოცდილი გუნდი, გაგიწევთ კვალიფიციურ და სრულყოფილ მომსახურებას, თუკი თქვენ გესაჭიროებათ შემდეგი სერვისები

კანონის მოთხოვნების შესაბამისად, სადამფუძნებლო დოკუმენტების შედგენა, ან არსებულის რედაქტირება

საქართველოს კანონმდებლობის თანახმად, იმისათვის, რათა დააფუძნოთ ახალი იურიდიული პირი, საჭიროა თქვენსა და თქვენს ბიზნეს პარტნიორს შორის შედგეს შეთანხმება კომპანიის საქმიანობის ძირითად პრინციპებზე. ეს შეთანხმება ცნობილია, როგორც კომპანიის წესდება.

უნდა აღინიშნოს, რომ კომპანიის წესდების შეთანხმების დროს, რეკომენდირებულია, რომ პარტნიორებმა მაქსიმალურად აარიდონ თავი ისეთ შეთანხმებას, რომელიც მხოლოდ შაბლონურად, კანონის სავალდებულო მოთხოვნების დასაკმაყოფილებლად არის შედგენილი. მსგავსი წესდებით ფონს გასვლამ, შესაძლოა მომავალში არაერთი პრობლემა შექმნას, რომლის გადასაჭრელადაც თქვენსა და თქვენს პარტნიორს შორის არ იარსებებს წინასწარ შეთანხმებული, წერილობით განსაზღვრული წესი.

რა თქმა უნდა, ნებისმიერი ბიზნესი ურთიერთშეთანხმებისა და ნდობის საფუძველზე იწყება, ამიტომ ამ ეტაპზე, რთული წარმოსადგენია, რომ თქვენსა და თქვენს ბიზნეს პარტნიორს შორის მომავალში რაიმე არსებით უთანხმოებას ექნება ადგილი, მაგრამ არ არსებობს გარანტია, პირიქით, ბუნებრივია, რომ დროსთან ერთად, პარტნიორებს შორის გაჩნდეს განსხვავებული შეხედულებები ბიზნესის განვითარებასთან დაკავშირებით. სწორედ ამიტომ, რეკომენდირებულია, რომ წესდების შედგენის დროს, პარტნიორებმა მის ყოველ პირობას განსაკუთრებული ყურადღება მიაქციონ და შეთანხმდნენ წესებზე, რომლებიც სამომავლო მოვლენებზეც იქნება გათვლილი, მაგალითად, რა ხდება, თუკი: გადაწყვეტილების მიღების დროს, ხმები თანაბრად გაიყოფა? ერთ-ერთ პარტნიორს კომპანიის დატოვება სურს? მხარეებს მოგების განაწილება სურთ წილებისგან განსხვავებული წესით? და სხვ.

იურიდიული ფირმა „GLCC“ დაგეხმარებათ თქვენ და თქვენს ბიზნეს პარტნიორებს, რომ კომპანიის ძირითადი დოკუმენტი მაქსიმალურად იყოს მორგებული ყველა შესაძლო სცენარს, რომელიც მომავალში შესაძლოა განვითარდეს. შედეგად, მიუხედავად იმისა, თუ მომავალში როგორ განვითარდება ურთიერთობა პარტნიორებს შორის, იარსებებს წინასწარ განსაზღვრული ე. წ „თამაშის წესები“, რომლებიც მნიშვნელოვნად გაამარტივებენ ბიზნესის ოპერირებას.

კომპანიის ხელმძღვანელ პირ(ებ)თან გასაფორმებელი ხელშეკრულების მომზადება

საქართველოში 2022 წლის 1 იანვრიდან ამოქმედდა ახალი „მეწარმეთა შესახებ“ კანონი, რომლითაც სავალდებულო ხდება, რომ კომპანიასა და მის ხელმძღვანელ პირს (მაგ.: დირექტორი ან აღმასრულებელი გამგეობის თავმჯდომარე) შორის გაფორმებულ იქნას ე. წ „სასამსახურო ხელშეკრულება“, რომლითაც დადგინდება ის ძირითადი პირობები, რომლის შესაბამისადაც, ხელმძღვანელმა პირმა უნდა განახორციელოს მისი საქმიანობა.

ნებისმიერ კომპანიაში, ხელმძღვანელი პირის ანგარიშვალდებულებისა და პასუხისმგებლობის წერილობით განსაზღვრას, დიდი მნიშვნელობა აქვს იმისათვის, რომ წინასწარ დადგენილი იყოს ის მოლოდინები, რომელიც კომპანიას გააჩნია მისი აღმასრულებელი რგოლისგან და ასევე, ზუსტად იქნას განსაზღვრული ის უფლებამოსილებები და აკრძალვები, რომლებიც ვრცელდება კომპანიის ხელმძღვანელ პირებზე.

აქედან გამომდინარე, მნიშვნელოვანია, რომ ამ ტიპის ხელშეკრულება მაქსიმალურად დეტალურად იქნას შედგენილი იურისტების მიერ, რათა სამართლებრივი განსაზღვრულობის მეშვეობით, დაცული იყოს, როგორც კომპანია, ასევე თავად ხელმძღვანელი პირიც.

მმართველობითი და ზედამხედველობითი ორგანოების შექმნა და სტრუქტურული გამართვა

კომპანიის კაპიტალის სიდიდის ან/და დასაქმებულთა რაოდენობის გათვალისწინებით, ასევე, უბრალოდ, ეფექტური მენეჯმენტისათვის, შესაძლოა თქვენი ბიზნესის ინტერესებში შედიოდეს რამდენიმე დირექორის დანიშვნა (და შესაბამისად, დირექტორთა საბჭოს ჩამოყალიბება), ან  სამეთვალყურეო საბჭოს, აუდიტის კომიტეტის და სხვა ორგანოების ჩამოყალილება (მაგ. კომპანიის შიდა დავების განმხილველი საბჭო, ეთიკის კომიტეტი ან სხვ.).

ასეთ შემთხვევაში, რა თქმა უნდა, საჭირო ხდება, რომ შეიქმნას ამ ორგანოების საქმიანობის მარეგულებელი წესები, რომლებიც მოქცეული იქნება ერთიან, სტრუქტურულად და შინაარსობრივად გამართულ დოკუმენტში, რაც დამატებით შეუწყობს ხელს თქვენი ბიზნესის შიდა-კორპორატიულ წესრიგს.

კომპანიის ორგანიზაციულ-სამართლებრივი ფორმის ცვლილება

კომპანიის ორგანიზაციულ-სამართლებრივი ფორმის სხვა ფორმით შეცვლა მოითხოვს საწარმოს რეორგანიზაციის პროცესის დაწყებაც, რომლის სირთულეც დამოკიდებულია იმაზე, თუ რომელი ფორმის რომლით შეცვლა სურს განმცხადებელს. მაგალითისთვის, სააქციო საზოგადოებიდან შეზღუდული პასუხისმგელობის საზოგადოებად გარდაქმნა და პირიქით, მიიჩნევა საწარმოს კრედიტორებისთვის ნაკლები რისკის შემცველ რეორგანიზაციად – შესაბამისად, ეს პროცესი დაკავშირებულია გამარტივებულ სარეგისტრაციო წარმოებასთან. მაგრამ, თუკი რეორგანიზაცია მოიცავს სხვა ორგანიზაციულ-სამართლებრივ ფორმებს, სარეგისტრაციო წარმოება ბევრად უფრო კომპლექსური ხდება და საჭიროებს დიდ ყურადღებას, რათა ყველაფერი კანონით გათვალისწინებული წესების მიხედვით მოხდეს და ამით, თავიდან იქნას აცილებული პროცესის გაჭიანურების ან საერთოდაც ჩაშლის რისკები.

დამფუძნებლებისა და პარტნიორების შიდა კოპრორატიული ურთიერთობების განსაზღვრა და მათ ინტერესებზე მორგებული კორპორატიული დოკუმენტების მომზადება

კომპანიის დამფუძნებლებსა და პარტნიორებს შორის არსებული ურთიერთობები, ყველაზე ხშირად, საწარმოს წესდებით წესრიგდება. ამ დოკუმენტით წესრიგდება ისეთი საკითხები, როგორიცაა პარტნიორთა კრების კომპეტენცია და გადაწყვეტილების მიღების წესი, კაპიტალის ცვლილებისა და დივიდენდის გაცემის წესები, თუ სხვა. მიუხედავად ამისა, კომპანიის პარტნიორები თავისუფალნი არიან, რომ გააფორმონ ალტერნატიული შეთანხმებებიც, რომლითაც მოწესრიგდება ისეთი საკითხები, რომლებიც ცდება კანონით დადგენილ იმ საკითხების ჩამონათვალს, რომელიც აუცილებლად წესდებით უნდა იყოს მოწესრიგებული.

ასეთ შეთხვევაში, კომპანიის პარტნიორებს შეუძლიათ დადონ პარტნიორთა შეთანხმება, რომელიც, თავისი შინაარსით, ბევრად არ განსხვავდება კომპანიის წესდებისგან, მაგრამ, მნიშვნელოვან განსხვავებად შეგვიძლია მივიჩნიოთ ის, რომ არ არის აუცილებელი პარტნიორთა შეთანხმების საჯარო რეესტრში რეგისტრაცია. შესაბამისად, ამ გზით, კომპანიის პარტნიორებს ეძლევათ შესაძლებლობა, რომ გარკვეული დეტალები, რომლებიც კანონის თანხმად არ არის სავალდებულო, რომ იყოს საჯარო, კომპანიის შიგნით, ერთმანეთთან შეათანხმონ და ამ მხრივ, მათი ურთიერთანამშრომლობა უფრო განსაზღვრული გახადონ.

გარდა ამისა, საწარმოს პარტნიორთა შორის ურთიერთობის მოსაწესრიგებლად არსებობს სხვა არაერთი გარიგების დადების შესაძლებლობაც.

კომპანიის ქონების გაყოფა, პარტნიორის მიერ წილის გატანა, კომპანიიდან გასვლა

ხსენებული საკითხები არსობრივად შეიცვალა 2022 წლის 1 იანვრიდან, როდესაც ძალაში შევიდა ახალი „მეწარმეთა შესახებ“ კანონი, რომელიც მსგავსი პროცესებისთვის ადგენს საკმაოდ ვრცელ და კომპლექსურ წესებს. შესაბამისად, დავის თავიდან აცილების მიზნით, მნიშვნელოვანია, რომ ამ პროცესში ჩართული ყველა მხარე მოქმედებს იმ წესების მიხედვით, რომელიც დადგენილია კანონით. ამისათვის კი, რეკომენდირემულია პროცესში ჩართულები იყვნენ შესაბამისი კვალიფიკაციის იურისტები.

იურიდიული ფირმა „GLCC“-ის გამოცდილი გუნდი, გაგიწევთ კვალიფიციურ და სრულყოფილ მომსახურებას, თუკი თქვენ გესაჭიროებათ ისეთი მნიშვნელოვანი გარიგებების/დოკუმენტების შედგენა და გაფორმება, როგორიც არის:

სამეწარმეო საზოგადოებებში წილის შეძენის ან გასხვისების შესახებ შეთანხმება

„GLCC”-ის ერთ-ერთ ყველაზე გამოცდილ და ძლიერ მიმართულებას წარმოადგენს.

ფირმის მმართველი პარტნიორის – ირაკლი გაფრინდაშვილის ხელმძღვანელობით, GLCC-ის გუნდს მონაწილეობა აქვს მიღებული საქართველოში წარმოებულ უმეტეს მნიშვნელოვან გადახდისუუნარობის საქმეებში. ჩვენი მომსახურება მოიცავს როგორც გადახდისუუნარობის პროცესში მოვალის იურიდიულ მხარდაჭერას და პროცესის წარმართვას, ასევე კლიენტების, როგორც კრედიტორების ინტერესების დაცვას.

მომსახურების ეს სფერო განსაკუთრებით აქტუალური გახდა 2021 წლიდან, როდესაც ძალაში შევიდა ,,რეაბილიტაციისა და კრედიტორთა კოლექტიური დაკმაყოფილების შესახებ“ ახალი კანონი. აღნიშნულმა კანონმა კერძო, სპეციალიზებული იურისტებს მიანდო გადახდისუუნარობის პროცესის სრულად წარმართვა და გადახდისუუნარობის პრაქტიკოსის პროფესიის ჩამოყალიბებას შეუწყო ხელი.

„GLCC”-ის გუნდი ერთ-ერთი პირველთაგანია, რომელიც შესაბამისი ლიცენზიის საფუძველზე უზრუნველყოფს რეაბილიტაციისა და გაკოტრების მმართველის ფუნქციების შესრულებას.

„GLCC”-ის იურისტები ფირმის კლიენტებისათვის ასევე უზრუნველყოფენ ფირმების ლიკვიდაციისა და რეორგანიზაციის პროცესების წარმართვას, რაც პრობლემური ბიზნეს პროცესების დასრულებისთვის მნიშვნელოვანი კომპონენტია.

„GLCC” კლიენტებს სთავაზობს გადახდისუუნარობასთან დაკავშირებული რისკების ანალიზს და კლიენტებს ურჩევს ოპტიმალურ, ეფექტურ სამართლებრივ გზებს ფინანსური სირთულეების დასაძლევად, მათ შორის, რესტრუქტურიზაციისა და რეაბილიტაციის ან კრედიტორებთან რეგულირებული შეთანხმების გზით.

საინფორმაციო ტექნოლოგიების, კრიპტო ვალუტისა და სატელეკომუნიკაციო ინდუსტრიისთვის იურიდიული მომსახურება, „GLCC”-ის პრაქტიკის სფეროს ერთ-ერთი პოპულარული და მოთხოვნადი მიმართულებაა.

თანამედროვე სამყაროში, სადაც გაციფრულება ბიზნეს პროცესების განუყოფელი ნაწილია, კრიტიკულად მნიშვნელოვანია საინფორმაციო ტექნილოგიების ისეთი იურიდიული მომსახურება, როგორიცაა:

• ვებ. პლატფორმებისთვის სამომხმარებლო შეთანხმების, პერსონალურ მონაცემთა დამუშავების პირობების, დისტანციური ნასყიდობის ხელშეკრულების, პროდუქტის უკან დაბრუნების პოლიტიკისა და სხვა ტიპისი დოკუმენტების მომზადება;
• კომუნიკაციების კომისიასთან და სახელმწიფო ისნპექტორის სამსახურთან ურთიერთობა (ლიცენზიებისა და ნებართვების მოპოვება);
• კრიპტო ინვესტირების სამართლებრივი მხარდაჭერა;
• საავტორო უფლების, პატენტისა და სასაქონლო ნიშნის რეგისტრაცია და სალიცენზიო ხელშეკრულების მომზადება.

GLCC-ის გამოცდილი გუნდი ათწლეულზე მეტია, უწყვეტად და წარმატებით ემსახურება საინფორმაციო ტექნოლოგიებისა და სატელეკომუნიკაციო ინდუსტრიის სფეროს წარმომადგენელ ქართულ და უცხოურ კომპანიებს.

მრავალწლიანი პრაქტიკული გამოცდილების ფონზე, „GLCC”-ის გუნდმა შეძლო კარგი რეპუტაციის გამომუშავება, როდესაც საქმე ეხება ჩვენი კლიენტების წარმომადგენლობას სასამართლო დავებში. არაერთ წარმატებულ ისტორიაში, რომელიც გვქონდა წლების მანძილზე, ბევრ ფაქტორს აქვს წვლილი შეტანილი, მაგრამ უმთავრესად ჩვენს იმ სტანდარტებს, რომლებიც აქცენტს დეტალებზე, დისციპლინაზე, სტრუქტრულად (პროცესუალურად) გამართულ წარმომადგენლობასა და კლიენტთან კომუნიკაციაზეა აკეთებს.

იურიდიული ფირმა „GLCC” იქნება თქვენი საიმედო წარმომადგენელი სასამართლოებში ნებისმიერი იმ საქმის ფარგლებში, რომელიც ეხება სახელშეკრულებო, შრომით, კორპორატიულ, სამშენებლო, ადმინისტრაციულ ან საგადასახადო დავას.

როგორც ნებისმიერი წარმატებული იურიდიული ფირმა, ჩვენც განსაკუთრებულ ყურადღებას ვაქცევთ კლიენტის სასამართლოში წარმომადგენლობის სერვისს, რადგან ადვოკატობის პროცესში მიღწეული წარმატება, კარგი მდგენელია სხვა იურიდიული სერვისების ხარისხისთვისაც. ჩვენთან თანამშრომლობით, თქვენ შეგიძლიათ დარწმუნებული იყოთ, რომ თქვენს საქმეზე მუშაობენ ადვოკატები, რომლებიც თავიანთ მაქსიმუმს გააკეთებენ, იმისდა მიუხადავად, თუ რა მასშტაბის დავაზეა საუბარი.

გთხოვთ ეწვიოთ ჩვენს სპეციალურ ვებ-გვერდს